ՅՈՎՍԷՓ ՆԱԼԲԱՆԴԵԱՆԻ ԽՕՍՔԸ

Շ Ն Ո Ր Հ Ա Ւ Ո Ր Ա Գ Ի Ր

ԵՐԵՒԱՆԻ Խ. ԱԲՈՎԵԱՆԻ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆԻՆ ՀԻՄՆԱԴՐՄԱՆ 90-ԱՄԵԱԿԻ ԱՌԹԻՒ

 

Համալսարանի նախագահ յարգարժան Պրօֆ. ՌՈՒԲԷՆ ՄԻՐԶԱԽԱՆԵԱՆ

«Սփիւռք» Գիտաուսումանական Կեդրոնի տնօրէն Պրօֆ. ՍՈՒՐԷՆ ԴԱՆԻԷԼԵԱՆ

  Ջերմօրէն կը շնորհաւորեմ Ձեր Համալսարանի պատկառելի 90 ամեակը: Բազմաթիւ դասախօսներ, որոնցմէ շատերը այսօր չկան, աշխատած են Մանկավարժական Համալսարանին մէջ, եւ իրենց գիտական աշխատանքներով Հայաստանի տարածքին զարգացուցած են գիտութիւնն ու հումանիտար նիւթերը: Անոնք իրապէս արժանի են բարձր գնահատականի:
  Մանկավարժականի յարկին ներքոյ ուսում առած են բազմահազար ուսանողներ, որոնք աւարտելէ ետք աշխատած են տարբեր բնագաւառներու մէջ, պատիւ բերելով իրենց հաստատութեան:
  Ձեր Համալսարանը խոր կապեր ունի աշխարհի տարբեր երկիրներու բարձրագոյն կրթական հաստատութիւններու հետ, միշտ զարգանալու եւ միջազգային նոր չափանիշներու հետ քայլ պահելու համար: Մեծապէս գովելի է Ձեր ղեկավարութեամբ Համալսարանի տարբեր զարգացումները` շէնքերու նորոգում, ուսանողներու համար արդի ուսուցման պահանջքներու գիտական եւ ճարտարարուեստական բաւարարում, «Սփիւռք» Գիտաուսումնական Կեդրոնի աշխատանքներ, գրադարանի գիրքերու ճոխացում, եւ այլն:
  Կրկնապէս կը շնորհաւորեմ բոլորդ, կը մաղթեմ քաջառողջութիւն, նորանոր նուաճումներ, գիտական բարձր մակարդակի պահպանում եւ զարգացում ի փառս Հայրենիքի եւ համայն հայութեան:
  Վարձքերնիդ կատար:

Անկեղծօրէն` ՅՈՎՍԷՓ ՆԱԼՊԱՆՏԵԱՆ
Գրականագէտ, մատենագէտ, խմբագիր-հրապարակագիր, հասարակական գործիչ

Լոս Անճելըս Նոյեմբեր 15, 2012