«WORLD VISION» ԲԱՐԵԳՈՐԾԱԿԱՆ ԿԱԶՄԱԿԵՐՊՈՒԹԻՒՆ

«WORLD VISION» ԲԱՐԵԳՈՐԾԱԿԱՆ ԿԱԶՄԱԿԵՐՊՈՒԹԻՒՆ
BUILDING A BETTER WORLD FOR CHILDREN

Նշանաւոր «WORLD VISION» միջազգային քրիստոնէական մարդասիրական կազմակերպութիւնը ստեղծուել է անցեալ դարի յիսունական թթ.: Նրա կարգախօսը՝ «Կառուցենք լաւագոյն աշխարհ երեխաների համար», այսօր էլ սրբազան պատգամ է:
Տնօրէն Բոբ Փիէրսը «WORLD VISION»ի աշխատանքներն սկսել է՝ օգնելով Կորէական պատերազմից որբ մնացած երեխաներին:
«WORLD VISION» կազմակերպութիւնը օգնութիւն է ցուցաբերել եւ այսօր էլ ցուցաբերում է աշխարհի թոյլ տնտեսութիւն ունեցող երկրների, որոնց թւում անցեալ դարի 90 ական թթ. եւ Հայաստանին:

Կազմակերպութիւնը հետապնդում է երեխաների շահերի պաշտպանութիւնը. բնակչութեան անպաշտպան խաւերի համար ապահովում է մաքուր ջուր, որակեալ սննդամթերք, հագուստ, տալիս է անվճար բժշկական օգնութիւն եւ կրթութիւն:

«Սփիւռք» Գիտաուսումնական Կենտրոնը անմասն չի մնացել կազմակերպութեան ուշադրութիւնից:
Այսպէս, 2002 եւ 2003 թթ. Կենտրոնում վերապատրաստուող հայրենի ուսուցիչներին «WORLD VISION» համաշխարհային եկեղեցական կազմակերպութեան Հայաստանի գրասենեակը (տնօրէն՝ Կարինէ Յարութիւնեան) անակնկալ մատուցեց՝ նուիրելով 220 կտոր ճաշակաւոր հագուստի համալիր՝ փէշ, վերնազգեստ եւ զուգագուլպայ՝ Ներսէս Արք. Պոզապալեանի ազնիւ միջնորդութեամբ: